e-poçt: info@demirbank.azİnfo-xətt: 149
İNTERNET BANKÇILIQ
İnternet-Bank xidməti internet şəbəkəsi vasitəsilə bank hesablarını real vaxt rejimində (on-line) idarəetmə üzrə elektron hesablaşma sistemidir.
Bankda hesabı olan hər bir hüquqi şəxs (şirkət, təşkilat) ilə İnternet-Bank vasitəsilə hesablaşmaların aparılması üçün Bank hesabı müqaviləsinə əlavə müqavilə imzalanaraq, aşağıdakı bank əməliyyatları həyata keçirilə bilər:
- Ödəniş tapşırıqların yığılması
- Ödəniş tapşırıqların cədvəl şəkilində yığılması (işçilərə əmək haqqı ödənişləri həyata keçirildikdə)
- Ödəniş tapşırıqların təsdiq olunması
- Hesab üzrə çıxarışların alınması
- Ödəniş tapşırıqların arxivləşdirilməsi
- Konvertasiya əməliyyatlarının aparılması
Bundan başqa, İnternet-Bank xidməti vasitəsilə Bankla müştəri arasında sərbəst formatda qısa yazışmalar aparıla bilər.
Müştərinin istəyi ilə İnternet-Bank sisteminə 1 pilləli, 2 pilləli və ya 3 pilləli daxil olma və təsdiqlənmə aparılması üçün kodlaşdırılma tətbiq oluna bilər. İnternet-Bankinq sisteminə hər bir pillədəki giriş xüsusi Diqipass qurğularından istifadə etməklə həyata keçirilir.
DİQİPASS - İnternet-Bank sisteminə giriş parolunu generasiya edən və sistemə hər bir giriş həyata keçirildikdən sonra avtomatik olaraq parolu dəyişən elektron qurğudur.
İnternet-Bank vasitəsilə hesablaşmaların aparılması üçün istifadəçi,
- İnternet-Bank səhifəsini açaraq, öz Loginini yığır
- Diqipassda öz PİN-kodunu yığır
- Diqipassın generasiya etdiyi kodu kompüterin ekranında olan xüsusi pəncərədə yığır. Bu zaman, məlumatların daxil edilməsi və alınmış məlumata baxmaq üçün giriş açılır
- Ödəniş sənədi yığıldıqdan sonra, hər bir istifadəçi öz tərəfindən onu təsdiqləyir. İstifadəçilərdən hər-hansı biri tərəfindən təsdiqlənməyən məlumat sistem vasitəsilə keçə bilməz.
İnternet-Bank sistemindən istifadə edən hər bir müştəri İnternet və öz Diqipass qurğusu vasitəsilə istənilən yerdən məlumatların alınmasını və təsdiqlənməsini həyata keçirə bilər.
Müştərilər İnternet-Bankinq sistemindən istifadə etdikləri dövrdə sistemin administratoru onları müşayiət edərək bütün lazımi məlumat və izahatlar verir.
Giriş
Giriş
